დაახლოებით 25კაციანმა ბრბომ, 16 წლის გოგონა ჯერ წიხლებით ცემა, შემდეგ კი ცოცხლად დაწვა.
შემთხვევა გვატემალაში, სოფელ ფიო-ბრავოში მოხდა.
გავრცელებული ინფორმციით, გოგონასა და კიდევ ორ მამაკაცს 68 წლის მამაკაცის ძარცვასა და მკვლელობაში დასდეს ბრალი.
მამაკაცებმა გაქცევა მოახერხეს, გოგონა კი ხალხის ბრბოს ჩაუვარდა ხელში.
შემზარავ კადრებზე, რომელიც ინტერნეტში გავრცელდა გოგონას უმოწყალოდ ცემაა ასახული. საჯაროდ ცემის შემდეგ, დასისხლიანებულ გოგონას ბენზინი გადაასხეს და ცოცხლად დაწვეს.
ადგილობრივი პოლიციის გაცხადებით, სამართალდამცავებმა მათი შეჩერება და გოგონას გადარჩენა სცადეს, თუმცა ხალხმა ამის საშუალება არ მისცა.
შემზარავი ვიდეო, რომელიც „იუთუბიზე“ აიტვირთა, რამდენიმე საათში წაიშალა.
შიდა დაპირისპირების თავიდან ასაცილებად, გვატემალას ხელისუფლება გოგონას ვინაობას არ ამხელს.
შემთხვევასთან დაკავშირებით გამოძიება დაწყებულია.
